Dibër, arrestohet një person me arsenal armësh

Policia e Dibrës ka sekuestruar armë dhe municione luftarake si dhe ka arrestuar në flagrancë poseduesin e tyre. Në kuadër të masave të marra për parandalimin e veprimtarisë kriminale, sektori për krimet e rënda e koduar “Kobra” arrestoi në flagrancë shtetasin: Kapllan Qoku 60-vjeç, banues në fshatin Muhurr. Gjatë kontrollit të ushtruar në shtëpinë e tij u gjetën dy pushkë, 3 armë te vjetra, thika, krehra dhe fishekë. I moshuari, nuk ka precedent penal, ndërsa tani ai do te përballet ne gjyq për veprat penale “prodhim dhe mbajtje pa leje të armëve luftarake dhe municionit”.