Pesë persona janë proceduar penalisht nga policia e Elbasanit gjatë 24 orëve të fundit.
Ata akuzohen për vepra të ndryshme penale.
Policia bën me dije se ka arrestuar në flagrancë një 37 vjeçar me akuzën e dhunës në familje.
Sipas policisë 37 vjeçari me inicialet G.A., ka dhunuar fizikisht e psikologjikisht bashkëshorten e tij, e cila më pas ka tentuar që të vetëhelmohet duke pirë detergjent.
Po ashtu në pranga kanë rënë dhe dy vëllezër pasi goditën me sende të forta në banesë në lagjen “28 Nëntori” shtetasi me inicialet E.Xh.
Njoftimi Policisë:
DVP Elbasan
Vijon puna nga Strukturat e Drejtorisë Vendore të Policisë Elbasan, për parandalimin dhe goditjen e paligjshmërisë.
Gjatë 24 orëve të fundit proçedohen penalisht 5 persona për veprat të ndryshme penale.
Specialistët për Hetimin e Krimit në Komisariatin e Policisë Elbasan, arrestuan në flagrancë shtetasit:
- G.A., 37 vjeç, banues në Elbasan, pasi ka ushtruar dhunë fizike dhe psikologjike ndaj bashkëshortes së tij, më pas kjo shtetase ka tentuat të vet-helmohet duke pirë detergjent.
- E.L., 30 vjeç, banues në Elbasan, pasi në lagjen ” 28 Nëntori” të Elbasanit në bashkëpunim me vëllain e tij shtetasin A.L., 33 vjeç, (i cili është proçeduar penalisht në gjendje të lirë), kanë goditur me sende të forta në banesë shtetasin E.Xh.
Specialistët e Qarkullimit Rrugor në DVP Elbasan, arrestuan në flagrancë shtetasin:
- K.K., 31 vjeç, banues në Durrës, pasi në aksin rrugor Cërrik – Gostim , duke drejtuar mjetin tip ” Fiat” ka aksidentuar këmbësoren shtetasen D.H., 16 vjeçe, e cila ndodhet në spital jashtë rrezikut për jetën.
Specialistët për Hetimin e Krimit në Komisariatin e Policisë Gramsh, arrestuan në flagrancë shtetasin:
- B.K., 23 vjeç, banues në Durrës , pasi ka ushtruar dhunë fizike ndaj bashkëshortes së tij në banesën e prindërve të tij në Gramsh.
