Laçi ka arritur të marrë një barazim përballë Tiranës në “Selman Stermasi” në minutën e tetë shtesë.
Një barazim që më së shumti u vlen kurbinasve sesa bardhebluve.
Pjesën e parë bardheblutë e mbyllën në avantazh falë një goli të shënuar nga Sentau.
Por pavarësisht kësaj, bardheblutë nuk ditën të përfitonin dhe të shënonin golin e sigurisë përballë kurbinasve të cilët dhe pse me 10 lojtarë arritën të merrnin një barazim me vlerë në minutën e tetë shtesë falë një goli të shënuar nga Shtupina.
Megjithatë përveç rezultatit që foli në favor të kurbinasve ,ndeshja u shoqërua edhe me tensione të shumta.
Një gol I anuluar për Tiranën nga gjyqtari anësor tensionoi situatën në tribuna nga ku arbitri u godit me shishe në kokë.
Në përfundim të takimit forca të shumta policie u futën në ambientet e stadiumit për të shmangur përshkallëzimin e situatës.
Por përsëri incidentet nuk u shmangën dot, pasi në korridoret e stadiumit lojtarët dhe tifozët e Laçit kanë goditur sulmuesin e Tiranës Micheal N’Goo.
