Kryeqyteti këtë të shtunë është mbizotëruar nga atmosfera festive qe mbizotëroi dhe pritet të vijojë edhe nesër, këtë rradhe me maratonen e madhe të Tiranës.
Atlete si dhe te apasionuar pas vrapimit nga shumë vende të botës do të garojnë qe në mengjes, sipas planit te bere gati nga autoritetet vendore.
Për te na folur me shume mbi kete aktivitet, në edicionin qëndror të lajmeve në Vizion Plus ka qenë rejtoresha e Përgjithshme e Promovimit të Tiranës, Julinda Dhame, e cila është shprehur se kjo është një nismë që synon që të shtojë më shumë ndjenjën e sportit te të rinjtë.
“Është hera e katër që bëhet kjo maratonë eshte e rëndësishme edukimi i sportit sidomos tek fëmijët. Motoja e maratonës këtë here eshte garo për shëndetin. Sporti ka një ndikim te shëndeti i të gjithëvë. Pjesmarrja besoj se do shtohet çdo vit e me shumë. Nesër do të kemi tre lloj vrapimesh 21 km gjysëm maratone, 10 për ato që janë amator dhe 2 km për njerezit me aftësi të kufizuara. Rrugët neser bllokohen ne 7 të mëngjesit dhe në 9 nis maratona. Duam që qytetarët te na mirkuptojnë dhe të na bashkohen si shikues dhe nxitës për ato që janë bashkuar moratones.”
Ndër të tjera nga studio e lajmeve në Vizion Plus Dhame është shprehur se maratona e së dielës nuk është një panoramë e mirë prezantimi vetëm për Tiranën por për të gjithë Shqipërinë.
“Ne arritëm që maratonën që në edicionin e dyte ta fusnim në kalendarin e maratonave të gjithë Evropës dhe këtë herë në arritëm të realizojme dhe pjesën teknike. Ky nuk është vetëm një event sportivm por është një kartolinë e mirë jo vetëm për Tiranën por për gjithe Shqipërinë.”
