Detaje të reja kanë dalë nga vrasja makabre e ndërtuesit shqiptar, Xhani Topalli në ishullin grek, Rodos.
Mediat greke bëjnë me dije se shqiptari u vra nga bashkëpunëtori i tij i cili i kishte borxh një sasi parash, rreth 75 mijë euro.
Bëhet me dije gjithashtu se autori i krimit është ndihmuar edhe nga djali i tij 20 vjeçar për të zhvendosur trupin pas vrasjes.
Trupi i 46 vjeçarit, baba i tre fëmijëve u gjet në një rrugë të braktisur.
Sipas informacioneve autori 53-vjeçar është takuar për herë të parë me kontraktorin në vitin 2014, kur ata kishin një partneritet. Në vitin 2019, 46-vjeçari ka marrë përsipër rinovimin e hotelit të autorit të dyshuar, duke rezultuar në një borxh rreth 75 mijë euro.
Pas arrestimit autori ka pranuar krimin dhe ka rrëfyer për autoritetet greke si ka ndodhur ngjarja.
AI ka deklaruar në polici se viktima kishte shkuar pranë hotelit të tij ku i ka kërkuar llogari për borxhin e marrë.
Autori shprehet se ka qenë i dehur në momëntin e ngjarjes dhe i shtyrë nga instiktet e tij për tu mbrojtur e ka mbytur me litar shqiptarin.
Së bashku me djalin e tij ata kanë marë trupin, i kanë zhveshur rrobat dhe e kanë hedhur në një zonë të braktisur.
Më pas, për të mbuluar aktin e tyre, kanë lëvizur edhe mjetin e 46-vjeçarit në një zonë rurale.
Shqiptari ishte shpallur i zhdukur prej familjarëve prej më shumë se një jave.
