Kryeministrja italiane, Georgia Meloni ka dhënë detaje të reja rreth marrëveshjes së nënshkruar një ditë më parë me kryeministrin e Shqipërisë Edi Rama, për emigrantët.
Për mediat italiane, Meloni ka thënë se marrëveshja do të forcojë partneritetin strategjik mes dy vendeve ndërsa ka zbuluar edhe tre objektivat kryesore.
Të luftojë trafikimin e qenieve njerëzore, të parandalojë flukset e parregullta migratore dhe të mirëpresë në Evropë vetëm ata që kanë vërtet të drejtën e mbrojtjes ndërkombëtare. Shqipëria do t’i japë Italisë mundësinë për të përdorur disa zona në territorin shqiptar, përkatësisht portin e Shëngjinit dhe zonën e Gjadrit.”
Kryeministrja italiane ka bërë të ditur se marrëveshja përfshinë të gjithë emigrantët që shpëtohen në det, përjashtuar të miturit, gratë shtatëzëna dhe personat vulnerabël.
Numri i emigrantëve që mund të futen në shqipëri brenda një viti do të shkojë në 36 mijë.
Georga Meloni ka sugjeruar gjthashtu se marrëveshja mund të merret si shembull bashkëpunimi mes vendeve të BE dhe vendeve jo anëtare për çështjet e emigracionit.
“Këtë marrëveshje e konsideroj si një marrëveshje me një frymë të madhe europiane, me të cilën Shqipëria konfirmohet jo vetëm si një komb mik i Italisë, por edhe një komb mik i Bashkimit Europian. Dhe është domethënëse të nënvizojmë se si Tirana, pavarësisht se nuk është ende pjesë e BE-së, në fakt po sillet sikur të ishte tashmë, duke bërë zgjedhje në përputhje të përkryer me ato parime të solidaritetit dhe bashkëpunimit në bazë të familjes europiane.”
Kryeministrja e Italisë ka konfirmuar se ideja e marrëveshjes për emigrantët e paligjshëm lindi gjatë vizitës së saj në vendin tonë në muajn gusht.
