Deputeti socialist Bujar Çela është një nga të plagosurit e shpërthimit të një fabrike në ndërtim në Lushnje.
Burime bëjnë me dije se Çela ka qenë në pronën e tij në momentin e shpërthimit, e cila është ngjitur me fabrikën në ndërtim.
Lexo edhe :
Si pasojë e shpërthimit një person humbi jetën, ndërsa tetë të tjerë u plagosën, ku dy prej tyre janë në gjendje të rëndë dhe janë nisur me urgjencë drejt Tiranës.
Ndërkohë që deputeti Çela i është nënshtruar një ndërhyrjeje kirurgjikale për shkak të plagëve që ka marrë dhe është jashtë rrezikut për jetën.
Burime për Vizion Plus bënë me dije më herët se shkak i shpërthimit u bë pasi një vinç ka prekur në telat elektrikë.
Njoftimi i policisë:
Rreth orës 16:05 në vendin e quajtur “Rrethrrotullimi i Plasmasit”, në një kapanon në ndërtim dyshohet se gjatë punës, një vinçier duke drejtuar një vinç, aksidentalisht ka prekur linjën e tensionit të lartë dhe për rrjedhojë ka ndodhur një shpërthim i fuqishëm.
Si pasojë e shpërthimit ka humbur jetën shtetasi L. V., dhe janë plagosur 8 shtetas mes tyre dhe deputeti B. Ç., të cilët ndodhen në spital për ndihmë mjekësore.
Menjëherë nga Drejtoria Vendore e Policisë Fier dhe Komisariati i Policisë Lushnjë është ngritur një grup i posaçëm hetimor dhe nën drejtimin e Prokurorisë vijon puna për zbardhjen e rrethanave dhe shkakut të shpërthimit.
/Vizionplus.tv/
