Nga hetimet e deritanishme është zbuluar se 40-vjeçari Gentian Qarri që u ekzekutua këtë të shtunë në Vlorë kishte një të shkuar kriminale.
Ai ka qenë i dënuar me burg në Itali për drogë, ndërsa prej tri vitesh ishte kthyer në Shqipëri, pas shlyerjes së dënimit. “Vizion Plus” mëson se ai punonte si hidraulik.
Gentian Qarri u qëllua në gjymtyrët e poshtme dhe në gjoks, teksa ecte. Autorët përdorën një kallashnikov tip “Sharrs” për atentatin, ndërsa u larguan me një mjet tip “Toyota”, që pak minuta pas ngjarjes u gjet i djegur.
Gentian Qarri humbi jetën në spitalin e Vlorës si pasojë e plagëve të marra.