DETAJE/ 18-vjeçari shqiptar humbi jetën pas shpërthimit në fabrikën e fishekzjarreve, një i arrestuar! Zbardhet roli i 38 vjeçarit në tragjedi

Autori i dyshuar i vrasjes së 18-vjeçarit shqiptar Samuel Tafçiu dhe dy binjakeve italiane ka rënë në pranga nga policia.

Punzo Pasquale, 38 vjeç akuzohet për kryerjen e krimit të vrasjes së trefishtë me dashje dhe paramendim, posedim dhe prodhim të lëndës plasëse dhe piroteknike, si dhe drejtimin e një grupi kriminal, të cilat i ka mohuar.

Lexo edhe :

Related Posts

DETAJE/ Humbi jetën në ditën e parë të punës, 18-vjeçari shqiptar sapo ishte bërë baba! Flet mes lotësh partnerja e tij: Po planifikonim dasmën

Humbi jetën në ditën e parë të punës, Samueli sapo ishte bërë baba! Flet mes lotësh vjehrra e 18-vjeçarit shqiptar: Vajza ime është shkatërruar

Shqiptari 18-vjeç dhe dy italianet nga 26, humbën jetën në ditën e parë të punës më 18 nëntor 2024, në Via Patacca 94,  pas një shpërthimi në një fabrikë fishekzjarresh në Itali.

Sipas medieve të huaja, Punzo Pasquale ishte shkaktari që shkaktoi shpërthimin në fabrikën e lëndëve plasëse.

“Hetimet e kryera menjëherë nga Karabinierët, nëpërmjet një veprimtarie të detajuar dhe intensive hetimore kanë bërë të mundur marrjen e indikacioneve të rënda të fajit ndaj të dyshuarit të vendosur në bazë të dekretit të arrestit. GIP i Gjykatës së Napolit, pas seancës së vlefshmërisë, sot në mëngjes ka vërtetuar masën e sigurimit dhe ka lëshuar masën e paraburgimit në burg ndaj të dyshuarit Punzo në lidhje me të gjitha akuzat e ngritura kundër tij (vrasje vullnetare, prodhim i lëndëve plasëse dhe shfrytëzim i punë)”, thuhet në njoftim.

Punzo  Pasquale ka mohuar akuzat ndaj tij, duke u shprehur se nuk ka lidhje me këtë ngjarje.

Më herët, vjehrra e 18 vjeçarit shqiptar ka folur për mediat italiane lidhur me tragjedinë.

“Policia na thirri dhe ne vrapuam këtu menjëherë. Samueli ishte dhëndri im, i martuar me vajzën time 17-vjeçare. Ata kanë një vajzë 4 muajshe dhe ai punonte për të dhe gruan e tij . Ai ishte një djalë punëtor. Ai kishte 10 vite në Itali dhe i kishte të gjitha kartat në rregull. Ai u dogj i gjallë, ishte dita e parë e punës. Mbesa ime do të rritet pa babanë e saj dhe vajza ime, e cila është vetëm 17 vjeçe, tashmë ka një jetë të shkatërruar. Dy vajzat e vdekura ishin gjithashtu nëna beqare, që punonin për fëmijët e tyre të vegjël. Dhëndri im na telefonoi në orën 13:00, na tha se po hanin një sanduiç. Pastaj një orë më vonë ndodhi tragjedia. Tre familje të shkatërruara, kush do të na i kthejë fëmijët?”, tha  ajo./vizionplus.tv