Deputetja e kosovës pas tre orë e marrë në pyetje në lidhje me fotografinë e publikuar një ditë më parë e ka pranuar se ajo mund të jetë e falsifikuar.
FLORA BROVINA
DEPUTETE PDK
“Fotografia me gjasë është e falsifikuar. Ju kërkoj falje të gjithëve, sidomos grave të dhunuara. Mua ma kanë dorëzuar foton diku në vitin 2003 në një zarf. Nuk më ka shku mendja me verifiku sepse e kam nga 2003. Personi që ma ka dhënë është aktivist për të drejtat e njeriut. Unë kam shumë dokumente për të dëshmuar gjenocidin. Në prokurori jam në cilësinë e dëshmitares.
Deputetja e PDK-së, Flora Brovina, është paraqitur në Policinë e Kosovës ku u mor në pysetje për rreth tre orë lidhur me fotografinë e publikuar gjatë së enjtes në hapësirat e Kuvendit të Kosovës.
Fotografia e publikuar , si dëshmi e dhunës seksuale gjatë luftës, ka tronditur opinion publik por njëkohësisht ka hedhur hije dyshimi mbi vërtetësinë.
Sipas mediave kosovare fotoja e përdhunimit është marrë nga një faqe interneti me përmbajtje pornografike e shkrepur në Irak.
Një ditë më parë deputetja Brovina u shpreh e bindur se fotografia është e vërtetë dhe se informacionet mbi të do t’ia dorëzojë prokurorisë.
Ajo sqaroi se vajza në fotografi është gjallë, gjendet në Kosovë dhe është e gatshme të dëshmojë për këtë rast dhe se i njeh përdhunuesit serbë.
