Gjyqi më i bujshëm në botën e Hollivudit ka përfunduar.
Aktori i njohur, Johnny Depp ka fituar procesin ndaj ish-bashkëshortes se tij Amber Heard. Gjykata hodhi poshtë pretendimet e Heard se ajo ishte abuzuar nga Depp para dhe gjatë martesës së tyre.
Po nga ana tjetër, juria i dha drejtë pjesërisht pretendimeve të aktores, e cila tha se avokati i Depp kishte shpifur kur i quajti akuzat e saj për abuzim një mashtrim.
Në këtë mënyrë, gjykata vendosi që aktori i Hollivudit , Johnny Depp të marrë 10.35 milionë dollarë dëmshpërblim, ndërsa aktorja Amber Heard 2 milionë dollarë.
Yjet e Hollivudit, të cilët u divorcuan në vitin 2017, paraqitën versione kontradiktore të marrëdhënies së tyre.
58-vjeçari, kishte paditur ish-gruan për shpifje dhe kërkonte 50 milionë dollarë, referuar një artikulli të Uashington Post të viti 2018, ku ajo akuzoi aktorin se e kishte dhunuar.
Ndërkohë 36-vjeçarja, paditi Depp dhe kërkonte 100 milionë dollarë, duke thënë se i prishi imazhin duke e quajtur gënjeshtare.
Këto pretendime lidhen me avokatin e Depp, i cili në një deklaratë për Daily Mail në vitin 2020 i quajti mashtrime akuzat e saj për abuzim.
