Partia Demokratike votoi sot ekipin e kandidatëve për deputet me të cilin do të garojë në zgjedhjet e 11 majit. Rreth 41 mijë anëtarë të PD morën pjesë në procesin e primareve ku garonin për të qenë kandidatë për deputet rreth 300 figura të Partisë Demokratike.
“Kjo është një ditë e rëndësishme për PD, për pluralizimin politik dhe për lirinë. PD prin në betejën e saj për liritë e të drejtat e saj”, u shpreh Berisha.
Qendrat e votimit u mbyllen ne oren 18.00 me perjashtim te disa zonave ku ende demokratet prisnin te votonin, dhe numerimi pritet te nise pas ores 20.00.
Në procesin e primareve marrin pjesë shumica e grupit aktual të deputetëve; me përjashtim të 5 deputetëve që janë kundër primareve ose që kanë vendosur të tërhiqen nga parlamenti.
Pavarësisht se vota në primare tregon mbështetjen e figurave politike tek demokratët, ky proces nuk përzgjedh automatikisht ekipin e kandidatëve për deputet. Vendimin final se kush do të jetë kandidat për deputetet i PD e kush do të jetë në pjesën e mbrojtur të listës apo në pjesën e hapur do të merret në 12 mars në kryesi.
Në Primare nuk marrin pjesë kryetari Sali Berisha dhe 18 drejtues politike të PD në të gjithë vendin dhe ata do të jenë kandidatë në pjesën e sigurtë të listes së deputetëve.
Në listen e PD në vende të sigurta janë edhe 7 aleatët të cilët në 11 maj do të garojnë në një koalicion me PD.
