Del në shitje peceta që Leo Messi fshiu lotët në lamtumirën nga Barcelona

Peceta që ylli argjentinas përdori për të fshirë lotët është në nxjerrë në ankand.
Gjatë fjalës së tij të lamtumirës nga Barcelona, gruaja Antonela Roccuzzo i dha Lionel Messit një shami për të fshirë lotët. Tashmë, kjo pecetë është bërë tejet “virale” dhe kap vlerën e 1 milionë dollarëve.
Një nga momentet që bëri xhiron e rrjetit pas largimit të Messi-t nga Barcelona, ishte kur futbollisti shpërtheu në lot gjatë konferencës për shtyp. Ai nuk i përmbajti emocionet dhe menjëherë nisi të përlotej sapo doli para gazetarëve për të folur.
Kujtojmë se vetëm pak ditë më parë, Lionel Messi u konfirmua si futbollisti më i ri i PSG-së. PSG po kërkon ende titullin kampion në Champions League dhe Messi u shpreh i bindur se do e arrijnë këtë fitore.




