Avokati Gentian Rumano e cilësoi si një “gafë të pafalshme” vendimin e Presidentit të Republikës, Bajram Begaj, për shpalljen e dekretit të zgjedhjeve në Bashkinë e Tiranës.
I ftuar në studion e QUO VADIS në Vizion Plus, Ramaj theksoi se nga ana institucionale duhej pritur afati 15-ditor për të parë nëse çështja do të ankimohej në Gjykatën Kushtetuese. Ai shtoi se Presidenti duhet t’i drejtohej Gjykatës Kushtetuese për të verifikuar nëse ishte paraqitur ankimim nga Erion Veliaj.
Rumano theksoi se në rast se ka një ankimim, çdo veprim tjetër duhet të pezullohet, ndërsa shtoi se Kushtetuta duhet zbatuar ashtu siç është shkruar, pa interpretime.
Rumano: Gafë e pafalshme e Presidentit. Nga ana e institucionit, në mënyrë të menjëhershme, duhej të pritej afati 15-ditor për të parë nëse çështja do të ankimohej në Gjykatën Kushtetuese apo jo. Nuk duhet të merrte të dhëna nga mediat, por t’i drejtohej Gjykatës Kushtetuese dhe të merrte informacion nëse ishte paraqitur ankim nga Veliaj. Në bazë të informacionit që do të vinte, nuk do të shpallte dekret për Bashkinë e Tiranës, pasi për bashkitë e tjera është ndryshe. Begaj është i pari që ka shkelur Kushtetutën. Në rast se ka një ankim, çdo veprimtari tjetër pezullohet. Do të zbatohet Kushtetuta ashtu siç lexohet, nuk mund t’i bësh interpretime. Sot, Gjykata Kushtetuese i ka bërë një reflektim. Kjo i tregon institucionit që duhet të zbatohet Kushtetuta.
/vizionplus.tv
