Prej më shumë se dy javësh, rreth 40 familje të këtij fshati vazhdojnë të jenë të izoluara për shkak të bllokimit të rrugës nga dëbora e ngricat.
Në vështirësi të shumta ndodhen dhe banorët e fshatit Shtyllë, shumë prej të cilëve nuk kanë mundur dot të sigurojnë gjithë bazën materiale për të përballuar dimrin.
“Deri në fund të shkurtit është keq. Nuk e kam siguruar dot. Me të blerë ça të bëjmë.”
“Ftohtë është shumë ftohte. Si nga hera. Me ushqim pak. Asnjë ndihmë. Me forcat tona. Shumë e lehtë s’është.”
Për këta banorë, jetesa gjatë dimrit bëhet shumë e vështirë, pasi për shkak të izolimit nuk mund të marrin dot as ndihmë mjekësore.
