Deputetet e opozitës në parlament kanë artikuluar akuza të forta ndaj dy partive më të mëdha PS e PD, për mungesën e vullnetit të ndryshimit të sistemit elektoral.
Ndërsa nga zgjedhjet parlamentare na ndan më pak se një vit, deputetet që nuk e kanë fshehur qëllimin për të krijuar parti të reja e për të garuar në këto zgjedhje, kanë këmbëngulur për një sistem që iu jep më shumë mundësi qytetarëve të përcaktojnë deputetet e ardhshëm.
Por socialistët preferuan të injorojnë debatin për sistemin, duke replikuar në distancë me PD e LSI në lidhje me përbërjen e komisioneve zgjedhore, që deri më tani duket se është një prej çështjeve thelbësore që mban peng konsensusin me opozitën.
TAULANT BALLA
KRYETAR I GRUPIT PARLAMENTAR, PS
Ne nxisim këshillin politik të përmbyllë punën, por vendimin e merr parlamentin, zgjedhjet e vitit 2021 duhet të zhvillohen me komisionerë jo partiake, nuk mund të ketë me histori me parti që numërojnë vota.
Ndryshimi i sistemit kërkon 94 vota, ndërkohë që reformimi kodit 84; shumicë që para një viti qeveria nuk e kishte. Por me hyrjen e deputetëve të rinj në parlament qeveria Rama ka grumbulluar në jo pak raste më shumë se 100 vota; dhe përçarja e opozitës i lejon qeverisë të kalojë çfarëdo reforme pavarësisht votës së disa deputeteve.
Edhe vete grupi parlamentar demokrat është i përçarë, pasi për të dytën herë, deputetët kanë shkarkuar Rudina Hajdarin, duke e zëvendësuar me Myslym Murrizin.
