I ftuar në “Spotlight” nga Alban Dudushi, në “Vizion Plus”, për të diskutuar për projektin e ri që Akademia e Shkencave ka ndërmarrë lidhur me rishkrimin e historisë së shqiptarëve, akademiku Pëllumb Xhufi u përplas me historianin DritanEgro.
Debati lindi për një nga veprat e Xhufit, në të cilën Egro shprehet se akademiku ka shkruar që në Epir s’ka këmbë greku. Diçka e tillë ka acaruar Xhufin duke u shprehur se nuk mund ta ketë shkruar diçka të tillë dhe mund ta padisë për shpifje.
Dritan Egro: Ke botuar ‘Arbërit e Jonit’. Unë kam për kthyer të gjitha kodet osmane. Në bibliografi e ke vendosur. Por, mua më ka ardhur shumë turp dhe jam ndjerë shumë keq kur ke shkruar komplet kapitullin e parë të atij dhe ke thënë qënë Epir nuk ka këmbë greku. Ndërkohë që, ai burim që ke aty në bibliografi, thotë që Epiri deri në Ambraki, shqiptarët ishin elementi i parë etnik, grekët elementi i dytë etnik…
Pëllumb Xhufi: E ke gabim…dhe gënjen telespektatorët. Po, s’ja lejoj vetes unë këtë. Matu mirë kur flet. Po shkel kot.
Dritan Egro: Shikojeni! Aty e keni krejt ndryshe mendimet që jepen në dokumentacionin Osman, që e kam përkthyer unë, që e keni fjalën ju.
Pëllumb Xhufi: Unë kam parë aq shumë dhe kam shkruar aq shumë, sa nuk shprehem unë ‘s’ka këmbë greku’. Do të hedh në gjyq për shpifje.
