Personat që shihni në foto janë Roland dhe Elidon Hoxha (babë e bir), të cilët humbën jetën ditën e sotme pas një shpërthimi të fortë në një kapanon në Lushnjë, ku të dy ishin duke punuar me vinç.
Burime për Vizion Plus bënë me dije më herët se babë e bir kishin filluar punë ditën e sotme, ndërsa djali kishte pak kohë që ishte kthyer nga Italia.
Lexo edhe :
Related Posts
Ata ishin duke ngjitur disa bombola oksigjeni në momentin, kur vinçi ka prekur telat e tensionit të lartë, e më pas ndodhi edhe shpërthimi që ju mori jetën.
Ndërkohë që nga shpërthimi p[ati edhe disa persona të plagosur, mes tyre edhe deputeti socialist Bujar Çela, i cili u nënshtrua një ndërhyrjeje kirurgjikale në Tiranë, pasi kishte marrë dëmtime të shumta.
Në vendngjarje, përpos efektivëve të policisë mbërritën edhe ekspertët e Njësisë Antieksploziv, pasi në ambientet e kapanonit gjenden disa bombola, të cilat fatmirësisht nuk kanë shpërthyer. Shpërthimi i shkaktuar nga bombolat me oksigjen, të cilat ranë kontakt me rrymën elektrike gjatë transportimit me vinç ka shkaktuar dëme të konsiderueshme materiale, jo vetëm në ambientet e kapanoni, por edhe në bizneset përreth, pronarët e së cilëve shprehen se janë tronditur nga ngjarja.
