Shoqërohet në polici një shtetas nga Tepelena i cili publikoi në rrjetet sociale një video ku ai dukej duke kryer veprime të rrezikshme për sigurinë e jetës në rrugë, gjatë drejtimit të mjetit.
Për këtë shtetas është vendosur masa administrative 60.000 lekë të rinj, me sanksion plotësues ndalim administrativ i mjetit dhe tërheqje e lejes së qarkullimit për manovra të rrezikshme në rrugë, mosndryshim të pronësisë së mjetit brenda afatit dhe mosshlyerje të masave administrative brenda afatit ligjor.
Në video drejtuesi i makinës me iniciale a.K, banues në Tepelene, shfaqej duke kryer manovra të rrezikshme në rrugë, pasi braktisi timonin e mjetit dhe hipi mbi makinë vetëm për të bërë një video në Tik-Tok.
Kjo çmenduri ka bërë që policia të niste punën për identifikimin e këtij persona që kreu manovra tejet të rrezikshme në datë 17 korrik, rreth orës 13:00, në rrugën e brendshme të fshatit Dragot, Tepelenë, me makinën e tij tip “Volksëagen”.
