Askush nuk do të kishte vënë bast dhe nuk do të kishte besuar kurrë në nisje të sezonit të ri të NBA, se Cleveland do të kishin një nisje të tillë të jashtëzakonshme. 12 fitore në 12 takime për Kavaliersat, vërtet të pandalshëm në kampionatin më të fortë të basketbollit në botë që transmetohet në Tring.
Këtë here viktima ishte Chicago Bulls që ndonëse e bëri Cliveland vërtet të vuaj, u dorëzua para tifozëve të vet në një humbje të ngushtë 113 me 119.
Njeriu që udhëhoqi miqtë në këtë fitore ishte Donovan Michell me 22 pikë në pjesën e parë dhe 36 në total, pa lënë mënjanë edhe 8 topa të kapur në tabelë.
Pas tij 17 pikë për Garland dhe 15 pikë plus 11 topa në tabelë për Mobley.
Mirëpo deciziv për Kavaliersat në këtë sfidë ishin ata që erdhën nga stoli dhe shënuan në total 39 pikë.
Vlen të theksohet fakti që 5 minuta para mbyllës së sfidës, gjithçka ishte në barazim 106 me 106, me mitë që bënë diferencën në fund duke udhëhequr konferencën e lindjes falë një ecurie thjeshtë fantastike, ndërsa pas tyre janë as më pak e as më shumë por kampionët e NBA, Boston.
Vijon edhe lidershipi i Oklahoma City Thunder në konferencën tjetër, atë të perëndimit.
Oklahoma këtë herë mundi Los Anxhelos Klipers 134 me 128 në fund të një ndeshje spektakolare, e për rrjedhojë mbajnë kreun pas 11 takimesh me 9 fitore dhe vetëm dy humbje.
I mrekullueshëm Shai Aleksander i cili qe heroi i takimit për Oklahomen me 45 pikë dhe 9 asist, dhe pas tij edhe Xhalen Ulliams me 28 pikë dhe Dort me 19 pikë.
Sfida ishte shumë e hapur në fakt deri në fund teksa Zubac shënoi një kosh 41 sekonda para fundit që e çoi Los Anxhelos Klipers në vetëm 2 pikë minus në raport me Oklahomën, mirë Xhalen Ulliams vendosi të bëjë gjithçka në frymën e fundit duke shënuar edhe koshin deciziv që vulosi fitoren e City Thunder.
Në sfidat e tjera San Antonio Spurs mundi Sakramento Kings 116 me 96, Bruklin Nets surprizoi Neë Orleans Pelikans 107 me 105, ndërsa Hjuston rokets mposhti 107 me 92 Uashington Uizards./vizionplus.tv
