Këngëtarja Çiljeta Xhilaga dhe aktori Albano Bogdo kanë rrëfyer histori personale, kur kanë ndihmuar qentë në nevojë.
Çiljeta thotë se ajo ka ndjekur një njeri me makinë një person i cili ka qenë me motorr dhe i ka gjuajtur me shkelmë një qeni.
“Njëri një herë i gjuajtiu një qeni rruge me shkelmë. E kam ndjekur me makinë atë legenin”, tha këngëtarja.
Ndërsa Albano ka treguar se si gjeti në mes të rrugës një qen që e kishte përplasur makina, por thekson se asnjë shoqatë nuk e ka ndihmuar, pasi i thoshin se ishin biznese.
Në ndihmë thotë aktori i kanë ardhur dy djem që i ka njohur në Tik Tok, që i kanë dërguar menjëherë para dhe dy të huaj, që ndaluan pa u kërkuar ndihmë dhe i dhanë qenit asistencën e duhur.
“Kisha dalë unë dhe kthehem në shtëpi në 05:30 dhe sa hap derën e taksisë, dëgjova hangullimat e qenit në lagje. Mora ca nga këto shoqatat e kafshëve dhe i pyesja, ato më thoshin që ne e kemi biznes dhe pastaj thash do marr një veteriner ta paguaj vetë. Kur kam qenë në Tik Tok kam pasur ca çuna që kanë dhënë gift-e. Ata më dërguan njëri 1 mijë euro tjetri 1500 euro. Më pas erdhi një vajzë me makinë vullnetare dhe një djalë që ishte veteriner. Mora një batanije në shtëpi dhe ai e mbështolli dhe e çuam tek spitali i kafshëve”, tha Albano./vizionplus.tv
