“Chroming” është një nga tendencat më të fundit në rrjetet sociale, që fatkeqësisht ka rezultuar fatale në disa raste. Kjo është një modë e re, një trend që mori përmasa të frikshme në Gjeneratat Z dhe Alpha.
Fjala ‘chroming’ është një term joformal që e ka origjinën nga Australia. Ai i referohet aktit të thithjes së tymit nga një burim toksik, si p.sh. një kanaçe aerosoli ose një deodorant sprej.
Përodruesit në TikTok, që ndjekin këtë trend, postojnë video nën termin ‘WhipTok’, një term zhargon për përdorimin rekreativ të oksidit të azotit. ‘Whiptok’ ka mbi 546.3 milionë shikime në platformë.
Një nga viktimat ishte Esra Haynes, një studente 13-vjeçare nga Melburni, Australi. Esra ndërroi jetë më 31 mars 2023, nga ekspozimi kimik ndërsa ishte në gjumë pasi mori pjesë në trendin TikTok. Thuhet se ajo nuhati një deodorant aerosol, i cili besohet të jetë shkaku i vdekjes së saj.
Pas pjesëmarrjes në aktivitet, Haynes pësoi dëmtime të pariparueshme të trurit dhe një arrest kardiak, sipas The Sun. Ajo u shtrua në spital për një javë para se të vdiste.
Në shtator 2023, një tjetër adoleshent vdiq si rezultat i trendit “Chroming” të TikTok, thanë autoritetet irlandeze që hetonin vdekjen e 14-vjeçares Sarah Mescall.
Më 6 mars 2024, u raportua se një djalë 11-vjeçar vdiq gjithashtu pasi provoi sfidën e “Chroming” në një natë që ishin mbledhur me shokët. Autoritetet pretendojnë se e gjetën djalin pa ndjenja në vendngjarje dhe më vonë u shpall i vdekur në spital.
Gjyshja e djalit reagoi dhe foli ashpër kundër TikTok. Ajo shprehu dëshirën që kjo platformë të ndalohet përgjithmonë në mënyrë që të parandalojë më shumë vdekje.
Ky nuk është trendi i vetëm i rrezikshëm që është bërë viral në platformë. Edhe pse TikTok ka ndërmarrë veprime për të parandaluar përhapjen e këtyre tendencave në disa raste . Ata kanë hequr hashtags që mund t’i ndihmojnë këto trende të përhapen. Por nuk mjafton gjithmonë./vizionplus.tv
