Uefa Champions League rikthehet sonte ne platformën Tring me dy takime drithëruese te saj, te vlefshme për raundin e 1/8-ve, dy përballje qe ne fakt do te ishin te denja për finalen e turneut me prestigjioz te botes. Ne Torino, Juventus sfidon Bajernin e Mynihut, ndërsa ne Emirates, topçinjtë e Arsenal sfidojnë kampionen ne fuqi te Europes, Barcelona. Edhe pse historia flet ne anën e bavarezeve, tekniku Alegri ka deklaruar se skuadra e tij është gati per te bere nje ndeshje te madhe. Pa Kielinin dhe Alex Sandro, Juventus pritet te zbresë ne fushe me një skeme 4-4-2 me Bufon ne porte, Litshtainer Barzali, Bonuci Evra ne mbrojte, Kuadrado Markisio, Kedira e Pogba ne mesfushe. Ne sulm Manxhukic me i favorizuar se Morata do te jete se bashku me Dibala. Edhe pse nuk beson se do te jete një rezultat i tille, Alegri nje barazim 0-0 ne Torino e cilëson si pozitiv,  pasi ne ndeshjen e kthimit ka mundësi per dy rezultate. Ndërkohe pavarësisht mungesave, sidomos ne qendër te mbrojtjes Pep Guardiola ka deklaruar se Bajerni ka ardhur ne Torino me qëllimin te shënoje pse jo te fitoje per ta patur me te lehte ndeshjen e kthimit. I ndikuar nga mungesat e Badstuber dhe Botateng, Guardialo do te luaje ne nje skeme 4-1-4-1 me Lahm Kimich Alaba dhe Bernat ne mbrojte, përpara tyre Xavi Alonso. Ne mesfushe Duglas Kosta, Tiago Alcantara Myller dhe Roben, te gjithë ne mbështetje te Levandovskit. Një tjetër supersfide pritet te jete ajo ne Emirates mes Arsenal dhe Barcelonës. Përballe tyre dy trajner Venger dhe Guardiola me te njëjtën filozofi per futbollin; te shprehin me te bukuren ne fushe. Edhe pse ne rolin e modestit përballe kampioneve te Europes me ne forme se kurrë, Arsenal mundohet t’i ngjaje pak katalanasve dhe per kete arsye pritet një përballje spektakolare. E nëse Luis Enrike është i prere, duke deklaruar se ekipi i tij kërkon te fitoje përsëri champions, Venger ka provokuar duke thëne se nuk ekziston skuadra perfekte. Londinezet nuk kane shërbimet e Wilshare, Santi Cazorla, Gabriel e Arteta, por me Sanchez një ish dhe Welbek ne formën e tyre me te mire. Ne kampin kundërshtar Arda Turan është i skualifikuar, Rafinja i dëmtuar, ndërsa i vetmi dyshim është Dani Alves nga minuta e pare apo Aleix Vidal.

 

 

 

 

 

 

 

Leave a Reply

Your email address will not be published.