Champions League rikthehet këtë të premte pas 5 muajve pritje për trofeun më të bukur të futbollit të klubeve në botë.
Edhe pse mungesa e tifozeve në stadium do të ndikojë jo pak, Champions rezervon sfida mjaft interesante që do të mbajnë mbërthyer miliona njerëz para ekranit.
Gjithcka nis me takimet e mbetura të kthimit të fazës së 1/8. Sonte përcaktohen dy biletat çerekfinaliste.
Në letër dueli me spektakolar i mbrëmjes së sotme është ai mes Manchester City dhe Real Madrid, dy skuadra favorite të trofeut. Skuadra e Guardiolës fitoi ndeshjen e parë me rezultatin 2 me 1 në Madrid dhe shpreson ti shkojë championsit deri në fund, si objektivi i vetëm i madh i sheikeve që nuk është realizuar deri më tani.
Qytetarëve do ti mungojë sulmuesi më i rëndësishëm Aguero i cili është i dëmtuar. Nga ana tjetër Zidanë është një ekspert tashme i ndeshjeve të këtij niveli dhe vjen edhe me entuziazmin e fitimit të La Ligës.
Tekniku francez la jashtë gare Hames Rodrigez dhe Bejl për zgjedhje teknike. Mungesë më e rëndësishmë është ajo e kapitenit Sergio Ramos ndërsa Mariano Diaz me koronavirus.
Shumë interesant edhe dueli tjetër në Torino mes Juventus- Lion. Bardhezinjte duhet të përmbysin humbjen në Francë 1 me 0 ndonëse kampionet e Italisë nuk kanë shkëlqyer në sfidat e javëve të fundit në Seria A.
Sarri nuk ka të gatshëm Kediren Demiral dhe Kosta ndërsa Dybala do ta nisë nga stoli për shkak dëmtimi.
Higuain e Ronaldo në majë të sulmit ndërsa dilema e vetme është në të djathtë ku Cuadrado dhe Bernardeski luajnë për një vend. Lyon ndërkohe vjen me formacionin më të mirë.
Të dyja sfidat do të trasmetohen ekskluzivisht në platformën Tring.
