Mbrëmjen e djeshme u raportua se një 27-vjeçar u plagos me armë zjarri, pas një konflikti me fqinjin e tij.
“Rreth orës 21:45, në malin e Kolajve Velipojë, në rrethana ende të paqarta është plagosur me armë zjarri shtetasi E. P., 27 vjeç, banues në fshatin Pulaj-Plazhë, i cili është transportuar për ndihmë mjekësore dhe ndodhet jashtë rrezikut për jetën”, njoftoi policia për ngjarjen.
Lexo edhe :
Related Posts
Ndërkohë, gazetari Esido Barkaj ka bërë me dije në emisionin “7pa5” në Vizion Plus se nuk kemi të bëjmë me një konflikt, por e një vetëplagosje.
“Nuk kemi të bëjmë me një konflikt me komshiun, i plagosur ka mbetur Emiljano Paloka, i cili aktualisht ndodhet në spital dhe rreth orës 10:00 policia pritet ta marrë në pyetje. Dyshimet dhe pistat kryesore e policisë nuk mbetet ajo e konfliktit me një persona, po është vetëplagosja. Dyshimet janë se i riu ka plagosur veten me armë, e cila ende nuk është gjetur”, tha Barkaj. /vizionplus.tv
