Kur qëndrojmë ulur për orë të gjata, trupi ynë mezi pret të lëvizë përsëri. Kjo mund të tingëllojë absurde, pasi, teorikisht, trupi ynë kërkon relaksim dhe pushim, por ky është realiteti.
Pushimi i shkurtër është sigurisht i nevojshëm për të rikuperuar nga lodhja. Por sot ulemi më shumë seç duhet.
Shikoni më poshtë se çfarë ndodh me trupin tuaj kur qëndroni ulur për orë të gjata:
Mund të shkaktojë apnea të gjumit
Kur qëndroni ulur për orë të tëra, graviteti dhe ulja e qarkullimit të gjakut mund të shkaktojnë mbajtjen e lëngjeve në ekstremitetet e poshtme. Pra, kur më vonë shtriheni për të fjetur, ky lëng transferohet në muskujt dhe indet e qafës dhe mund të shkaktojë ënjtje, sipas shkencëtarëve në Qendrën për Mjekësinë e Gjumit dhe Biologjinë Circadian në Universitetin e Torontos.
Kjo e bën të vështirë për ju frymëmarrjen e ajrit dhe madje mund t’ju bëjë të ndaloni frymëmarrjen për periudha të shkurtra gjatë natës, duke shkaktuar apnea të gjumit.
Rrit rrezikun e trombozës
Gratë që bëjnë një mënyrë jetese sedentare kanë më shumë se dyfish rrezikun e zhvillimit të embolisë pulmonare, pra një mpiksje gjaku në mushkëri. Kjo ndodh sepse qëndrimi ulur për periudha të gjata kohore redukton qarkullimin e gjakut dhe rrit shanset për formimin e mpiksjes së gjakut, të cilat mund të përfundojnë në mushkëri.
Shkakton depresion
Sipas një studimi përkatës të publikuar në revistën Mental and Physical Activity, një mënyrë jetese e ulur rrit shanset për të zhvilluar gjendje negative emocionale, si ankthi dhe madje edhe depresioni.
Probleme me shpinën dhe qafën
Është një nga problemet më të zakonshme që shkaktohet nga një mënyrë jetese e ulur. Dhe ato që shfaqen menjëherë, si dhimbjet e shpinës kur uleni në një karrige për shumë orë pa u ngritur. Gjithashtu, shumica e njerëzve kanë qëndrim të dobët, veçanërisht kur punojnë para një ekrani, gjë që gradualisht çon në probleme me qafën.
