Çfarë duhet bërë me SPAK pas 11 majit? Kjo ishte një tjetër pyetje që u bë në studion e Quo Vadis të moderatores Pranvera Borakaj në Vizion Plus këtë të martë.
I ftuar në studio, avokati Altin Kaziaj tha se SPAK ka bërë një punë shumë të mirë me një performancë në rritje.
Sipas tij institucioni duhet të vijojë punën.
Pjesë nga biseda:
Borakaj: Kaziaj, SPAk duhet të mbyllet, duhet të vazhdojë, çfarë duhet bërë pas zgjedhjeve të 11 majit?
Kaziaj: Kjo është diçka që unë nuk mund ta them.
Borakaj: Flasim në bazë të performancës.
Kaziaj: Performamca ka qenë gjithmonë në rritje. Fakti është që vijimësia e SPAK ka qenë në rritje. Jam dakord me Karanxhën që shpesh herë jo vetëm SPAK por dhe prokurori të tjera abuzojnë me masën ekstereme të arrestit me burg, pasi ka edhe masa të tjera. Duhet dhënë besim këtij institucioni, i duhet lënë të bëjë punën e vet, pa ndërhyrje.
