Me siguri as që keni dyshuar se në treg mund të blini perime apo fruta që tashmë kanë humbur të gjitha vitaminat dhe mineralet e nevojshme që zakonisht përmbajnë. Edhe pse “në fillim” ju duket se keni zgjedhur një frut të mirë, nutricionistja Branka Mirkoviq thotë se shumica e njerëzve gabojnë.
Për të përfituar sa më shumë nga vitaminat, ajo shpjegon se duhet të respektojmë disa rregulla.
“Prutat dhe perimet e freskëta të stinës janë të pasura me vitamina dhe minerale dhe përmbajnë shumë ujë. Të gjitha këto janë përfitime që duhet të përdoren maksimalisht tani. Më të vlerësuarat janë të gjitha perimet jeshile, spinaqi, rukola, lakra, lakra jeshile, brokoli, sepse përmbajnë të gjitha vitaminat dhe mineralet e nevojshme. Sakaq, duhet të hani edhe fruta dhe perime të ngjyrave të tjera, domate, rrepka, speca, luleshtrydhe”, tregon ajo.
Çfarë duhet të kërkojmë kur blejmë perime dhe fruta?
Blini fruta dhe perime sezonale nga prodhuesit vendas dhe varietetet vendase. Në sezon, frutat dhe perimet përmbajnë sasinë më të madhe të vitaminave dhe mineraleve dhe prodhuesit vendas nuk detyrohen të mbledhin fruta dhe perime jeshile, t’i spërkasin me kimikate të ndryshme për t’i mbajtur më gjatë të freskëta dhe për të parandaluar prishjen dhe kalbjen e tyre.
Gjithmonë blini fruta të pjekura dhe të padëmtuara. Asnjëherë mos blini sallata, spinaq dhe perime me gjethe, të cilat shitësit i lajnë vazhdimisht me ujë që nuk është bakteriologjikisht i saktë dhe dinë të shtojnë edhe kimikate të ndryshme për ta mbajtur më gjatë të freskët.
Pas blerjes, lajeni, thajeni dhe vendoseni në frigorifer deri në përdorim./vizionplus.tv
