Ministri turk i Punëve të Jashtme, Mevlüt Çavuşoğlu, është shprehur se Turqia beson në partnerët e saj rusë për tërheqjen e terroristëve të PKK/YPG-së nga rajoni, por se nuk mund t’u besojë terroristëve.
Në një konferencë të përbashkët në Gjenevë me homologun e tij rus dhe atë irania, ka thënse se Çavuşoğlu, Rusia na informoi se elementët e PKK/YPG-së u larguan. Ne duhet t’u besojmë partnerëve tanë rusë, por nuk mund t’u besojmë terroristëve.
Duke folur për takimin e Komitetit Kushtetues të Sirisë, që do të fillojë nesër, Çavuşoğlu tha se nisja e bisedimeve mbi kushtetutën e re të Sirisë është një hap i madh përpara.
Ndërkohë kujtojmë se më 9 tetor, Turqia nisi operacionin “Burimi i Paqes” për të eliminuar terroristët nga Siria veriore në lindje të lumit Eufrat, në mënyrë që të sigurojnë kufijtë e Turqisë, të ndihmojnë kthimin e sigurt të refugjatëve sirianë dhe të garantojnë integritetin territorial të Sirisë.
Më 22 tetor, presidenti turk, Recep Tayyip Erdoğan dhe homologu i tij rus, Vladimir Putin, zhvilluan një takim në qytetin rus Soçi.
Ankaraja dhe Moska arritën një marrëveshje sipas së cilës terroristët e YPG/PKK-së brenda 150 orëve të tërhiqen 30 kilometra në jug nga kufiri i Turqisë me Sirinë veriore, ndërsa forcat e sigurisë turke dhe ruse të kryejnë patrullime të përbashkëta atje.
Në fushatën e saj terroriste mbi 30-vjeçare kundër Turqisë, PKK-ja e listuar si një organizatë terroriste nga Turqia, SHBA-të dhe Bashkimi Evropian (BE), ka qenë përgjegjëse për vdekjen e 40 mijë personave, përfshirë shumë gra, fëmijë dhe foshnje. YPG-ja është dega siriane.
