Cakaj takon Cerar: Hapja e negociatave për Shqipërinë, peshë për thellimin e reformave në Rajon

Ministri në detyrë për Evropën dhe Punët e Jashtme, Gent Cakaj, zhvilloi një takim homologun e Sllovenisë, Miro Cerar.  Takimi u zhvillua në Mynih në kuadër edhe të Konferencës së Sigurisë që po mbahet këto ditë.

Në diskutim, palët vunë theksin edhe një herë në rëndësinë e veçantë të çeljes së negociatave për anëtarësim me Shqipërinë gjatë 2020.

“Ky vendim do të ketë peshë të posaçme për të thelluar reformat, mbështetur zhvillimin e rajonit dhe ruajtur besueshmërinë e BE-së në Ballkanin Perëndimor në përgjithësi!”- u shpreh Cakaj në një postim në Facebook lidhur me takimin.