Buxheti i vitit 2025 ka “përplasur” të ftuarit në studion e “Quo Vadis” të moderatores Pranvera Borkaj këtë të enjte në Vizion Plus.
Për kreun e Shoqatës së Eksportuesve, Alban Zusi, është e domosdoshme që qeveria të ulë TVSH-në për produktet e shportës. Sipas tij për të gjitha produktet që na jep natyra TVSH të jetë 5%, ndërsa për ato të përpunuara 10%.
Zusi tha se me uljen e TVSH-së do të ulet kostoja e jetesës për qytetarët.
Por për ish-zv.Drejtorin e Përgjithshëm të Tatimeve, Flobenc Dilaveri ulja e TVSH-së do të përkthehej në fitim për xhepat e biznesit dhe jo për qytetarët, duke theksuar se është bërë njëherë kjo tentativë me hotelet dhe nuk prodhoi rezultat.
Pjesë nga biseda:
Zusi: Në këtë buxhet në kuadër të dhomës së tregtisë ne kemi paraqitur disa propozime.
Borakaj: Çfarë konkretisht?
Zusi: Më kryesorja që i prek të gjithë është TVSH-ja e produkteve ushqimore. Nuk ka asnjë vend në Europë me tvsh 20%.
Dilaveri: Unë jam totalisht kundër, pasi ajo do shkojë në xhepat e biznesit dhe jo të qytetarëve. E kemi provuar me biznesin.
Borakaj: Sa e keni kërkuar Alban?
Zusi: Maksimumi 10% sa e ka Europa. Ato gjëra që natyra ja ka dhënë njeriut maksimumi duhet të jenë 5%. Gjërat bazike të jenë 5%m, ato që përpunohen të shkojnë në 10%. Kjo do të ulte kostot.
Dilaveri: Jo o Alban nuk do t’i ulë kistet. /Vizionplus.tv/
