Ministri për Evropën dhe punët e jashtme, Ditmir Bushati, zhvilloi një vizitë në Irlandë ku u takua me zëvendës kryeministrin dhe ministrin e punëve të jashtme dhe tregtisë, Simon Coveney.
Në fokus të bisedimeve ishin çështjet e integrimit evropian të Shqipërisë si dhe intensifikimi i marrëdhënieve dypalëshe.
Bushati shprehu mirënjohjen për mbështetjen e Irlandës në integrimin evropian të vendit tonë dhe bëri një prezantim të masave të marra nga qeveria shqiptare në adresimin e 5 prioriteteve, veçanërisht në reformën në drejtësi dhe Vettingun.
Nga ana e tij ministri Coveney rikonfirmoi mbështetjen e fuqishme dhe të pakushtëzuar të Irlandës për çeljen e negociatave me Bashkimin Evropian.
