Disa të dënuar në burgun e sigurisë së lartë në Burrel kanë kërcënuar me grevë urie nëse kërkesa e tyre ndaj drejtorisë nuk plotësohet.
Mësohet se të dënuarit kanë kërkuar përmirësim të kushteve të qëndrimit, pasi në dhomat që ata qëndrojnë ka prani të lagështirës dhe të mykut.
Kërkesa e tyre është që të lyhen ambjentet në të kundërt do të nisin grevën.
Burime nga drejtoria e Burgut të Burrelit thanë se janë njohur me kërkesat e të dënuarve dhe se po merren masa për përmirësimin e kushteve të ambjenteve të brendshme.
Ndërkohë sa i përket grevës, drejtues të burgut thanë se më parë të burgosurit duhet të kërkojnë leje.