Policia e Gjirokastrës ka shoqëruar tre persona lidhur me ngjarjen e rëndë që tronditi sot fshatin Bodrisht të Dropullit, ku një çift të moshuarish u gjetën të pajetë në banesën e tyre.
Çifti i të moshuarve u gjetën të pajetë nga fqinjët e tyre, ndërsa policia po punon për zbardhjen e plotë të rrethanave të ngjares.
Lexo edhe :
Related Posts
Viktimat janë Kosta Ilia, 84 vjeç dhe Kleoniqi Ilia, 88 vjeçe, në trupin e të cilëve janë gjetur shenja dhune që dyshohet se janë shkaktuar nga goditjet me sende të forta rrethanore.
Ngjarja u zbulua falë, një telefonatë nga Greqia në drejtim të njëres prej fqinjeve te ciftit. Ka qënë mbesa e Kleoniqit që telefonoi e shqetësuar pasi nuk kishte mundur të lidhej në telefon.
Fqinja ka shkuar tek shtepia e çiftit në orën 6 të mëngjesit ku ka gjetur në fillim të pajete Kostën të shtritrë në pragun e shtëpisë pranë tryezës me një shenjë goditje ne pjesën anësore të kokës. Me pas në brendesi të dhomes gjeti dhe Kleoniqin të pajetë me shenja dhune.
Në konstatimin e kryer nga grupi hetimor , pas kërkesës edhe të një mjeku ligjor nga kryeqyteti për të provuar permes shenjave të ADN nëse bëhet fjalë per ndonje faktor të huaj në këtë krim, pista më e besueshme pë rmomentin mbetet ajo e vrasjes mes tyre.
Sipas burimeve, kryefamiljari kishte 5 ditë që kishte ardhur nga Athina pasi kishte marrë pensionin dhe dy ditë me parë ishte konfliktuar me bashkëshorten, por nuk përjashtohet as dhunimi dhe vrasja e çiftit nga një person i tretë.
Ndërsa pista më pak e mundshme duket ajo e grabitjes me dhunë të baneses pasi nuk ka shenja të tilla apo gjurmë që të dilet në përfundim të tille. Çifti i të moshuarve jetonte vetëm dhe nuk kishte fëmijë.
/vizionplus.tv
