Qeveria e koalicionit në largim e socialdemokratëve dhe të gjelbërve në Gjermani po bllokon shitjen e avionëve luftarakë Eurofighter Typhoon në Turqi.
Sipas gazetës gjermane Handelsblatt, arsyeja për ndalimin e shitjes së Eurofighters në Ankara është burgosja e kryetarit të bashkisë së Stambollit dhe kundërshtarit të presidentit turk Rexhep Tajip Erdogan, Ekrem Imamoglu, me akuza për korrupsion, të cilat opozita turke i cilësoi si “të nxitura politikisht.”
Sipas mediave vendase, Berlini ka kritikuar ashpër Erdoganin, duke folur për një “sulm ndaj demokracisë turke”, i cili justifikon veton për shitjen e Eurofighters, edhe pse ishte bërë përparim në këtë çështje në bisedimet konfidenciale midis kancelarit Olaf Scholz dhe presidentit turk në vjeshtë.
Die türkische Luftwaffe will mit dem Eurofighter ihre Kampfjet-Flotte modernisieren. Die Briten wollen liefern, doch die Bundesregierung sperrt sich. https://t.co/RbwrfxAqEp
— Handelsblatt (@handelsblatt) April 17, 2025
Një veto gjermane për eksportin e Eurofighters do të ishte një goditje për përpjekjet e Turqisë për të modernizuar urgjentisht Forcën e saj Ajrore. Ankaraja po kërkon të rihyjë në programin e bashkëprodhimit të F-35, nga i cili SHBA e kishte përjashtuar pas blerjes së S-400 ruse.
Eurofighters, të cilin Turqia dëshiron të blejë, do ta ndihmonte atë të integronte një lloj të ri luftarak në Forcën e saj Ajrore, ndërkohë që ajo vazhdon përpjekjet e saj për të zhvilluar Kaan-in e prodhuar në vend.
Vitin e ardhshëm, Ankaraja synon të blejë 20 Typhoon të gjeneratës së parë Eurofighter nga Britania dhe më vonë 20 Typhoon të tjerë ultra-modernë të serisë së katërt./vizionplus.tv
