Opozita e bashkuar këtë të hënë njëzëri ka deklaruar se do të djegë mandatet e deputeteëve në parlament, një vendim sipas tyre është marrë pas protestës së 16 shkurtit.
Për të diskutuar më shumë në lidhje me vendimin e marrë nga opozita për djegien e mandateve, në Real Story përballë një tryeze me analistë ka qenë deputeti I PD-së Aldo Bumçi.
Në fjalën e tij Bumçi është shprehur se protesta e të shtunës së 16 shkurtit ishte më e madhja e realizuar ndonjëherë nga opozita.
“Askush nuk priste që Edi Rama të largohej me një protestë, ajo është akumulim dhe ndaj dy epoka. Kjo protestë solli një energji të re që nuk ekzistonte më parë, në këtë protestë ishte një ndër më të mëdhat të realizuara nga ne ishte një energji e re dhe ishte ndër me të mëdhatë në 30 vjet.”
Gjithashtu Bumçi është shprehur se në kohën e qeverisë së tyre ishte Lazarati, por që paratë e tij nuk janë përdorur kurrë për qeverinë në ndryshim nga Rama i cili ka përdorur paratë e drogës në politikë.
Deputeti demokrat ka deklaruar në Real Story në Vizion Plus se djegia e mandateve nuk ka lidhje me bojkotin e Kuvendit që opozita ndoqi për disa muaj, por është një akt dhe për të do të ndiqen të gjitha detajet teknike në lidhje me këtë. Sipas tij është ngritur një grup prej juristësh të cilët do të merren me të gjithë këtë proces.
Ndërkohë analisti Arjan Vasjari ka deklaruar se djegia e mandateve është një precedent i rrezikshëm, dhe sipas tij një me këtë veprim, po rrëzojmë një rregull të politikës dhe po futemi në një rreth vicioz.
