Kryeministri Edi Rama i është kundërpërgjigjur opozitës greke dhe asaj shqiptare për ngjarjen e Bularatit.
Në një postim në “Twitter”, Rama theksoi se s’ka më mirë se sa i sulmuar nga dy palë qirie Kadrinj që s’i duhen dreqit.
Sipas Ramës politika greke e akuzon se i ka hedhur benzinë zjarrit në lidhje me ngjarjen e Bularatit ndërsa Kadrinjtë tanë politikë e mediatikë se paska pranuar në heshtje përdhosjen e vendit.
“Sipas kokave të përndezura të politikës greke e kazanëve të atjeshëm, dje i paskam hedhur benzinë zjarrit, ndërsa sipas Kadrinjve tanë politikë e mediatikë paskam pranuar në heshtje përdhosjen e vendit! S’ka më mirë se sa i sulmuar nga dy palë qirie Kadrinj që s’i duhen dreqit.”
