Situata e Covid-19 dhe vendimi për të vendosur gjoba qytetareve që nuk mbajnë maskë në cdo ambjent, ishte kryefjala e debatit të së të hënës në mbrëmje në emisionin Quo Vadis në Vizion Plus.Zëvëndëskryeministri Braçe e argumentoi marrjën e këtij vendimi me dy faktorë që mund të rrezikojnë përkeqësimin e situatës, hapja e shkollave dhe gripi sezonal.
ERION BRAÇE—ZV/KRYEMINISTËR
Sepse ne presim që edhe me zgjerimin e aktiviteteve që hapen sic ishin shkollat, edhe me flukset e mëdha të njerëzve që hyjnë, qarkullojnë në të tilla ambiente, edhe për ndërthurjen e aktiviteteve familjare që shkojnë e vijnë, për shkak të prindërve që presin fëmijët, i shoqërojnë, por edhe për shkak të gripit të stinës ne të kemi flukse më të mëdha të individëve që mund të infektohen me një nga të dy viruset që qarkullojnë, qoftë me Covid-19, qoftë edhe me gripin sezonal. E pikërisht për tu mbrojtur, e për të mos lejuar asocimin e gripit sezonal me Covid-in, pa diskutim grupi i ekspertëve të shëndetit publik që asistojnë qeverinë, që merr vendime edhe për qeverinë, vendosi që maska, barriera prej tekstili, të jetë e detyrueshme për cdo ambient qoftë ky publik – i hapur, apo publik- i mbyllur por edhe ambiente të tjera të përdorin maskën.Unë mendoj se nuk është më koha për eksperimente, neve na duhet të jemi të vendosur në marrjen e masave edhe paraprake edhe profilektike që të mos kemi transformim të kurbës në ngjitje, përsa kohë që kapacitetet tona spitalore janë të limituara edhe pas zgjerimit të tyre.Ju që jeni kaq të clirët nga kjo lloj historie, patjetër zgjidhni gjobën dhe mos e vendosni maskën, pjesa tjetër që e ndjen veten seriozisht të rrezikuar, unë i sugjeroj të mbajë maskën dhe i kushton shumë më pak.
Por politikani i njohur Kastriot Islami kërkoi transparence për shifrat e Covid-19 në vendin tonë e në mënyrë të vecante numrin e viktimave. Ai akuzoi Ramën se po dhunon të drejtat e njeriut.
KASTRIOT ISLAMI–POLITIKAN
“Duhet të jesh i ndershëm me shifrat. Konkluzioni është ky: nuk është virusi që i vdes njerëzit, por vdesin nga pasojat që krijohen nga virusi. Njerëzit me imnunitet të ulët priren për t’u infektuar më lehtë. Kryeministri nuk mund të dalë e të mburret që “unë i shpëtova jetën shqiptarëve”, ky është turpi më i madh. Në botë vdesin 12 milionë vetë nga sëmundjet kardiovaskulare, ndërkohë që kanë vdekur 1 milionë deri tani. Sërish, është shifër shumë më i vogël sesa sëmundjet kardiovaskulare. Edhe në Shqipëri është i njëjti raport: janë 12 mijë veta që vdesin në vit dhe 4000-4500 nga tumoret. Edi Rama mashtron gjatë gjithë kohës për menaxhimin e kësaj krize. Për më tepër është akuzuar se e përdor këtë fazë për të rritur autoritetin e tij politik, duke dhunuar të drejtat e njeriut.”
Përvec Covid-19, Erion Brace sqaroi planin e qeverisë për ndryshimet me taksën progresive si dhe objektivin për uljen e borxhit publike ndërsa futbollin shqiptar e kosnideroi të korruptuar dhe kërkesat e ligës politike.
