Deputeti i opozitës, Myslim Murrizi komentoi nga salla e Parlamentit rastin e kryegjyqtares së Elbasanit, Enkeleda Kapedani.
Teksa kreu i ILD-së, Artur Metani raportoi për performancën vjetore, Murrizi i kërkoi një hetim të thelluar sepse sipas tij, nuk është problemi vetëm te Kapedani.
“Unë nuk merrem me “Tik Tok”, e rrjete sociale, po këto ditë jam bërë kureshtar të shoh. 13 gjyqtare, parakolp e prapakolp, shkojnë 40 mijë euro. E sa ka si ajo, 13 copë. Botox i gjallë, ku i gjejnë paret? Ti Metani, qelbsillëku juaj fillon te burimi, ndaj Komisioni i Ligjeve, duhet të kërkojë një raport të detajuar te Sokol Sadushi. Çdo ditë e më keq. Unë nuk kam asnjë lloj pengu e pishmani se pse është në gjykatë një që dridhet, puna është si e dredh vendimin për kontigjentët, pa se dridhet vetë, punë e madhe. Ku i gjen rrobat “Gucci”, duke e bërë me përputhje me rrogën që ka.”
