Bora ka mbuluar zonat malore në gjithë juglindjen mes të cilave edhe pikën turistike të Dardhës. Bashke me reshjet janë rikthyer kështu edhe temperaturat e ulëta. Në fshatin turistik të Dardhës, trashësia e bores arrin deri në 40 centimetra. Ndërsa në pjesën tjetër të qarkut janë regjistruar reshje të shumta shiu. Ndërkohë qytetarët e Korçës i janë rikthyer veshjes së tyre dimërore dhe çadrave. Sipas të dhënave, në Dardhë bora ka sjellë probleme dhe ne disa segmente kalohet vetëm me zinxhirë.
