Kuvendi i Shqipërisë u mblodh sot në një seancë jashtë radhe për të miratuar projektligjin për ratifikimin e Kartës së Bordit të Paqes, një iniciativë e ideuar nga presidenti i SHBA, Donald Trump. Kryetari i Grupit Parlamentar të PS, Taulant Balla, e cilësoi këtë si një “moment historik” dhe të pa precedentë në konotacionin pozitiv.
Balla theksoi se kjo është një mundësi për Shqipërinë të shfaqë rolin e saj në promovimin e paqes në vendet ku ekzistojnë konflikte. “Sot Kuvendi thirret për të marrë një vendim me peshë historike, që shkon përtej rendit të ditës dhe lidhet drejtpërdrejt me rolin e Shqipërisë në arenën ndërkombëtare,” tha Balla.
“Sot Kuvendi thirret të marrë një vendim me një kërkesë të veçantë politike e historike, që shkon përtej rendit të zakonshëm të ditës ku Republika e Shqipërisë dhe Rama kanë ftuar të jenë anëtar të Bordit të Paqes. Vlerësim i drejtpërdrejtë për rolin e Shqipërisë dhe një shënon një moment të pa precedent pozitiv ku Shqipëria shihet si faktor që ndikon në paqe, e jo më një shtet periferik. Trump e cilëson këtë nismë si një përpjekje historike dhe madhore si një qasje e re në ndërtimin e paqes, kudo ku sot ka konflikte, me një fokus të veçantë në Gaza. Jo më vëzhgues, jemi ftuar si bashkë themelues. Kjo ftesë konfirmon edhe forcën dhe besimin e ndërsjellë në partneritetin tonë strategjik. Bota sot do të jetë një test tjetër i konfirmimit se sa i përket marrëdhënieve me SHBA ne nuk kemi ndasiSot votojmë për rolin e Shqipërisë në botë“, tha Balla.
/vizionplus.tv
