Rruga Shtyllë–Panarit mbetet e qarkullueshme vetëm për automjete tip fuoristradë, për shkak të pranisë së madhe të dëborës. Në zonën e Mashkullorës, trashësia e dëborës ka arritur deri në 1 metër, duke e bërë lëvizjen tepër të vështirë.
Situata rëndohet edhe nga prania e konsiderueshme e akullit në segmente të caktuara të këtij aksi rrugor, çka rrit rrezikun për drejtuesit e mjeteve. Sipas autoriteteve lokale, në pjesën më të madhe të rrugës trashësia e dëborës varion nga 50 deri në 60 centimetra.
Autoritetet u bëjnë thirrje drejtuesve të mjeteve të tregojnë kujdes të shtuar dhe të shmangin udhëtimet e panevojshme në këtë rrugë malore, deri në përmirësimin e kushteve atmosferike dhe pastrimin e plotë të aksit.
/vizionplus.tv
