Bombardime edhe mbi fëmijët

Jetët e fëmijëve ne qytetin sirian te Alepos këputen çdo dite ne mes nga bombardimet e forcave siriane dhe aleateve te tyre ruse. Sulmet e fundit kane shkaktuar te paktën 87 viktima, shume prej te cilëve te mitur. Bombardimet nuk kane lënë jashtë shënjestrës objektiva qe gjenden pranë shkollave, apo spitalet, duke shtuar rrezikun per fëmijët. Me e goditura nga bombat ishte lagja AL Shaar, ku gjendet nje spital fëmijësh. Edhe ndërtesat pranë tij u rrafshuan. Organizata Botërore e Shëndetësisë dënoi sulmet ne spitalin e fëmijëve dhe spitale te tjera, ndërsa Papa Françesku deklaroi se dhuna ndaj qindra mijëra fëmijëve te pafajshëm është e pajustifikueshme. Ndërkaq, ne nje tjetër front, ne qytetin irakian te Mosulit forcat irakiane te sigurisë, kurdët peshmerga dhe ato te koalicionit ndërkombëtar vazhdojnë përpjekjet per çlirimin e tij nga luftëtaret e Shtetit Islamik. Operacioni per marrjen e Mosulit ka nisur qe prej nje muaji, por ditët e fundit kane zbehur entuziazmin se beteja do te përfundonte se shpejti. Ndonëse militantet e ISIS kane humbur terren, përparimi eshte ngadalësuar per shkak te rezistencës te forte qe po haset ne periferinë lindore te tij. Trupat po përballen me snajperë, sulme kamikazë dhe goditjet e mortajave, çka e ka vështirësuar progresin e tyre.