Autoritetet tajlandeze u vunë në alarm, pasi pritej që 800 ton mbetje industriale të rrezikshme që ishin nisur nga Shqipëria do të mbërrinin në portin e Tajlandës.
Sipas Bloomberg këto mbetje do të kthehen në Shqipëri, teksa bëhet me dije se autoritetet shqiptare po hetojnë se si kjo ngarkesë u transportua nga porti pa autorizim. Në një shkrim rreth anijeve me mbetje të rrezikshme industrial, Bloomberg pohon se ngarkesa do të kthehet mbrapsht në vendin tonë.
Lexo edhe :
Dy anijet kanë dalë nga porti i Durrësit në korrik 2024 duke pasur si destinacion Azinë Juglindor.
Çfarë shkruan Boolmberg?
Zyrtarët shqiptarë po hetojnë si 800 ton mbetje industriale të dyshuara të rrezikshme u transportuan nga porti i saj pa autorizim, me destinacion Azinë Juglindore, pasi ngarkesa e dyshuar do të kthehet mbrapsht.
Ndërkohë, një anije A.P. Moller-Maersk A/S që transporton disa nga ngarkesat e dyshuara shkarkoi kontejnerët në Singapor gjatë fundjavës, pasi fillimisht kishte lundruar pranë portit përpara se të kthehej për t’u ankoruar në një lëvizje të pazakontë.
Rreth 40 kontejnerë që grupet mjedisore pretendojnë se përmbajnë mbetje toksike pluhuri do të transferohen në një anije MSC Mediterranean Shipping Company SA që do t’i dërgojë ato në Evropë, sipas faqes së internetit të gjurmimit të ngarkesave detare të MSC.
Maersk tha se po punon me autoritetet e Singaporit dhe MSC për të kthyer ngarkesën në Shqipëri. Për momentin, sipas të dhënave të gjurmimit, kontejnerët do të mbërrijnë në portin Gioia Tauro të Italisë në fund të shtatorit.
Sipas Maersk, 60 kontejnerët e tjerë me mbetje të dyshuara që janë aktualisht në bordin e anijes tjetër të Maersk dhe që do të mbërrijë në Singapor më vonë këtë muaj, do të kthehet gjithashtu në Evropë.
Zyrtarët e Singaporit thanë se po lehtësojnë kthimin e këtyre kontejnerëve sipas Konventës së Bazelit të Kombeve të Bashkuara, një pakt global i nënshkruar nga shumë ekonomi të zhvilluara që kërkon që vendet të japin pëlqimin për kalimin e mbetjeve në rrugën e tyre.
“Kemi marrë informacion për transportin nga dy anije Maersk të disa kontejnerëve që raportohet se përmbajnë mbetje të rrezikshme të padeklaruara. Ne kemi informuar Maersk, e cila na ka informuar se do t’i dërgojnë kontejnerët përsëri në vendin e eksportit”, tha Agjencia Kombëtare e Mjedisit dhe Autoriteti Detar dhe Portual i Singaporit në një deklaratë të përbashkët në përgjigje të një pyetjeje të Bloomberg.
Zyrtarët punuan për të ndaluar dërgesën që kur Basel Action Netëork, një organizatë jofitimprurëse me bazë në SHBA që gjurmon tregtinë toksike, informoi Tajlandën në fillim të këtij muaji se kontejnerët që ajo beson se janë të mbushura me pluhur potencialisht të dëmshëm të furrave me hark elektrik po shkonin në portin e saj.
Bloomberg Neës nuk mundi të verifikonte në mënyrë të pavarur se çfarë po transportonin anijet. Kompanitë që eksportojnë dhe marrin kontejnerët nuk janë identifikuar. MSC nuk iu përgjigj kërkesave për koment. Maersk tha se asnjë nga kontejnerët nuk ishte deklaruar se përmban mbetje të rrezikshme, përndryshe do të kishte refuzuar t’i transportonte ato.
