Reshjet e shiut të ditëve të fundit në qarkun e Kukësit kanë shkaktuar rrëshqitje dherash e gurësh në aksin kombëtar Kukës-Shishtavec.
Rënia e gurëve ka ardhur si pasojë e mungesës së rrjetave mbrojtëse ne skarpatet anësore, ndërkohë që fadromat e kompanisë mirëmbajtëse bënë pastrimin e saj. Sipas firmës private, zgjidhja e vetme është rishikimi i projektit dhe akordimi i fondeve për të vendosur rrjeta mbrojtëse në vendet që përbëjnë rrezikshmëri të lartë për shkarjen e dheut. Kjo rrugë lidh më shumë se 14 mijë banorë te Shishtavecit, Topojanit dhe Zapodit.
