Turqia po përballet me presion per hapjen e dyerve per dhjetëra mijëra siriane, qe i largohen luftimeve. Megjithatë 35 mije refugjate kane mbetur te bllokuar ne piken e kalimit kufitar ne Kilis, qe vazhdon te jete e mbyllur për te treten dite. Numri dy i qeverise deklaroi ketë te diel se vendi, ndonëse nuk ka me kapacitete thithëse, do te vazhdoje te pranoje emigrante. Numan Kurtulmus shtoi se nuk do te pritet, qe njerëzit te vriten nga bombat. Megjithatë, deri tani nuk ka ndryshim te gjendjes. Guvernatori i qytetit premtoi se do te sigurohen ndihma per te zhvendosurit brenda territorit sirian, por dyert do te hapen vetëm ne rast te nje situate te jashtëzakonshme. Një dite me pare Bashkimi Europian i beri thirrje Ankarasë te lejoje kalimin e mijëra njerëzve te bllokuar ne kufi ne Kilis. Shefja e politikes se Jashtme te unionit, Federica Mogherini u shpreh se është detyre morale te sigurohet mbrojtje per ta. Turqia strehon 3 milionë refugjate, përfshire 2,5 milionë siriane. Shtimi i bombardimeve te ushtrisë siriane te mbështetur nga sulmet ajrore ruse gjate ditëve te fundit ne qytetin e Alepos, ka sjelle largimin e mijëra njerëzve dhe dyndjen e tyre ne kufi. Ne konferencën e donatoreve ne Londër me shume se 60 vende premtuan te ndihmojnë refugjatet siriane me me shume se 10 miliard dollarë.
