Dhoma Amerikane e Tregtise nepermjet nje letre drejtuar kryeministrit Edi Rama ka shprehur shqetësimin mbi efektet negative qe po japin masat kufizuese per shkak te koronavirusit.
Nisur nga veshtiresite ku ndodhet biznesi dhe impaktin qe ka ne ekonomi pandemia, dhoma amerikane i propozin qeverise shqiptare te ndermarre nje sere hapash me qellim mbështeten e te gjithe punedhenesve në Shqipëri ne kete periudhe te veshtire.
Keshilla e pare, eshte per sigurimin e kredive favorizuese per te gjitha bizneset, pavaresisht madhesise, nga fondi i emergjences.
Kreditë që do të garantohen nga ky fond duhet të akordohen me norma minimale ose Zero, duke marrë parasysh që fondi i garancisë ndihmon institucionet financiare që të ulin ndjeshëm rrezikun e tyre. Qeveria duhet të pezullojë këto borxhe deri sa këto kompani të rifillojnë aktivitetin normal të biznesit. Për kompanitë që kanë TVSH të pakredituar, rimbursimi duhet të jetë i shpejtë dhe të shmangë procedurat e gjata dhe të ndërlikuara.
Gjithashtu kerkohet te aplikohet pagesa e papunesise.
Siguroni përfitime të Pagesës së Papunësisë për të gjithë punonjësit e kualifikuar, pavarësisht nga madhësia e kompanisë që po i pushon ata. Paga e papunësisë ka për qëllim të ndihmojë individët, jo kompanitë. Si e tillë, përfitimet individuale nuk duhet të lidhen me madhësinë e punëdhënësit.
Meqenese ky eshte nje vit i pazakonte, kerkohet edhe shtyrja e taksave.
Ne ju rekomandojmë të pezulloni të gjitha kërkesat e parapagimit të taksave dhe të miratoni një legjislacion që do t’i lejojë kompanitë të bëjnë pagesa të vonuara me këste. Për më tepër, ne rekomandojmë që taksat lokale, sigurimet Shoqërore dhe Tatimi mbi të Ardhurat Personale, të pezullohen të paktën për një periudhë dy mujore.
Gjithashtu sugjerohet te lejohen organet gjyqësore të vijojnë punën online si dhe te permiresohet funksionimi i platformës E-Albania lidhur me pagesën e papunësisë. Nje hap tjeter i rendesishem do te ishte eliminimi i TVSH-së për furnizimet thelbësore mjekësore dhe ushqimet.
