Helikopterët e juntës ushtarake birmaneze goditën një shkollë në Tabayin , në veri-qendrën e vendit, duke vrarë të paktën 13 persona, përfshirë 11 fëmijë.
Administratorja e shkollës tha se ajo po përpiqej t’i çonte nxënësit në një vend të sigurt fshehjeje kur helikopterët filluan të qëllojnë kundër shkollës.
Shkolla, e cila ka 240 nxënës nga kopshti deri në shkollën fillore, ndodhet në një kompleks të manastirit budist të fshatit.
Që nga shkurti i vitit 2022 kur ushtria rrëzoi qeverinë e zgjedhur të Aung San Suu Kyi, Kombet e Bashkuara dokumentuan 260 sulme ndaj shkollave dhe stafit arsimor.
Sulmi në shkollë, sipas juntës ushtarake, synonte rebelët që fshiheshin në zonë.
“Nxënësit nuk bënë asgjë të keqe, nuk e mendoja kurrë se do të goditeshin nga automatikët,” tha administratorja e shkollës, Mar Mar. Kur ajo, nxënësit dhe mësuesit arritën të strehoheshin në klasa, një mësues dhe një fëmijë 7-vjeçar ishte qëlluar në qafë dhe në kokë. “Ata vazhduan të qëllonin nga lart në kompleks për një orë,” tha Mar Mar. “ata nuk u ndalën as për një minutë.”
“Kur u ndal sulmi ajror, gruaja tha se rreth 80 ushtarë hynë në kompleksin e manastirit, duke qëlluar me armë në klasa dhe duke urdhëruar të gjithë të pranishmit të largoheshin. Mar mar raportoi se kishte parë rreth 30 nxënës me lëndime në shpinë, kofshë, fytyrë dhe pjesë të tjera të trupit. Disa kishin humbur gjymtyrët. Ushtarët, shkruan Guardian , kapën gjithashtu më shumë se 20 persona, duke përfshirë 9 fëmijë të plagosur dhe tre mësues. Dy persona u akuzuan si anëtarë të forcës së mbrojtjes popullore kundër qeverisë, krahut të armatosur të rezistencës ndaj ushtrisë./tgcom
