Sulmet izraelito-amerikane kanë shkaktuar një dëm të madh në Iran.
Në bilancin që është publikuar nga Shoqata e Kryqit të Kuq të Iranit, sulmet SHBA-Izrael kanë dëmtuar mbi 113,000 vende civile gjatë luftës.
Kjo përfshin 90,063 shtëpi, 21,059 objekte tregtare dhe 760 qendra arsimore.
Për ministrin e Kuturës së Iranit, sulmet kanë shkatërruar historinë e një shteti.
“Nuk po flasim për gurë dhe llaç”, tha Amiri, duke treguar me gisht një llambadar të dëmtuar. “Po flasim për kujtesën dhe historinë e një populli. Ky gur përfaqëson atë që jemi”, tha ai.
Ministri argumentoi se edhe gjatë luftës së viteve 1980 me Irakun, monumentet historike të Iranit mbetën kryesisht të mbrojtura nga shkatërrimi sistematik. “Ajo që shohim sot është një kolaps total i rregullave morale dhe ligjore që dikur qeverisnin konfliktet”, tha Amiri.
“Synimi i këtyre vendeve është një zhvillim i rrezikshëm, jo vetëm për Iranin, por edhe për idenë globale të mbrojtjes së trashëgimisë.”
Shënjestrimi i këtyre vendeve ka çuar në një debat të ashpër mbi të drejtën ndërkombëtare humanitare. Sipas Konventës së Hagës të vitit 1954, nënshkruese të së cilës janë SHBA-të, Izraeli dhe Irani, palët duhet të përmbahen nga çdo akt armiqësor i drejtuar kundër pronës kulturore. Amiri dënoi heshtjen e bashkësisë ndërkombëtare, duke e kritikuar shprehimisht UNESCO-n për dështimin për të ndërhyrë pavarësisht se ka koordinatat gjeografike të të gjitha vendeve të trashëgimisë./vizionplus.tv
