E hënë, 16 Nëntor 2026 7 PA 5 Live deri në 09:00 Në vijim ora 09:00: Mes'dritë Live Reklamo Kontakt Karriera
Vizion Plus
Video · Sociale

Bie numri i nxënësve edhe në qarkun e Lezhës/ Rreth 1000 fëmijë më pak në bankat e shkollës

Rënia e numrit të nxënësve në shkolla është një realitet që drejtues të arsimit po tentojnë ta shmangin qëllimisht por shifrat flasin për një problematikë gjithnjë dhe në rritje.

 

Vetëm në territorin e Bashkisë Lezhë janë 444 nxënës në total më pak se një vit më parë.

 

Reklamë

Në rang qarku ky numër është rreth 1000 nxënës më pak, ku numrin më të ulët e ka rrethi i Mirditës, ndjekur më pas nga rrethi i Kurbinit.

 

Megjithatë drejtues të arsimit deklarojnë se këtë vit nuk ka asnjë shkollë të mbyllur. Sipas tyre procesi mësimorë ka filluar i mbarë.

 

Në rang qarku në Lezhë nisën shkollën këtë të hënë 15911 nxënës. Në klasat e para në Lezhë u ulën për herë të parë në bankat e dijes 679 nxënës, në Mirditë 127 nxënës, dhe 436 në Kurbin.

Më shumë video

Reklamë